Toheal app - Anonymous Peer-to-Peer Emotional Support

Coffee_61291 🇪🇬

13 minuto na ang nakalipas

Pakiramdam Pagod na Pagod

انا اتمنى ان ربنا يخدني وهو بس راضي عني علشان الي حصل معايا وقفلي حياتي خالص انا شاب كل مشاكلي ف حياتي كانت اهلي واترميت فا الشارع بدون اي ذنب فا ده خلاني اشتغلت علي نفسي اكتر وبقيت حاجه كويسه بس دلوقتي لما باجي اتقدم لاي واحده مشكلتي اهلي فين وده سببلي اذاه نفسي وحش جدا اتمنه كل الي يشوف البوست ده

Pumpkin_56117 🇪🇬

2 oras na ang nakalipas

Pakiramdam Lupaypay

ابويا هو سبب تعاستنا في الحياة مش بيصرف علينا وماشي يسوا سمعتنا في كل حتة وعمال يخلص في اي قرش معاه ومخلي اخونا كل شوية يضربنا وخلاص بقيت حاسة انه هيموتنا ويموت امي بيكره الخير لعياله ومليان حقد وغل، وبقينا حاسين ان الحل اننا ننتحر بسببه

Banana_62044 🇪🇬 ملكيش الا ربنا في دعوة في نص الليل مع ركعتين قيام ليل وتدعيلهم بالهداية وصلاح حالهم ويهديكم ويحببكم في بعض

Tingnan lahat 7 Payong

Chocolate_47841 🇪🇬

3 oras na ang nakalipas

Pakiramdam Nag-aalala

ياجماعه بجد ازاييي بتتعاملووا مع شعور الغيرة المؤذي على الي بنحبهمم انا بجد تعبت والله اوي اويي واعصابي تعبت من الحوار ده ومن للتفكير ومن فكره اني مينفعش ابقي كده ولازم كل واحد يبقى ليه حريتو وحياتو عشان مخنقش الي معايا ويجي في يوم يتقفل مني انا اصلا مش طبعي الغيره أو مش حاجة فيا بس لما حبيت بجددد

Apple_62329 🇪🇬

3 oras na ang nakalipas

Pakiramdam Pagod

Apple_61164 🇪🇬 لو صورت حد او فضحت حد حاول توصله وتخليه يسامحك ولو كنت بتتفرج بس توب الي الله واستغفر

Tingnan lahat 35 Payong

Ihayag ang iyong nararamdaman nang hindi nagpapakilala

انا شخص كنت شخص عادي مسالم وفحالي ومليش اختلاط بحد لا ببنت ولا بولد دارت الايام وعلي دخلة 2018 هنا كانت نقطه تحولي من شخص نضيف الي اوسخ شخص ممكن تكون قابلتو فحياتك الحوار ك الاتي انا علي بدايه، 2018 بدات ادخل في عالم الاختراق وبدات اتعلم كل حاجه واول متعلمت للاسف بدات أاذي كل الناس الغلبان والغلبانه الطيب والطيبه ومكنتش بفرق وكنت وسخ اوي انا اه عمري م ابتزيت حد ولا هددت حد بس اني ادخل بيتك من بيتي دي حاجه كبيرة ومش هينا وتتبهدل فيها دانيا واخرا المهم بعد مبقيت ااذي فالناس واعمل واسوي من 2018 لحد 2022 طول اللفترا دي انا عملت كل حاجه ومعرفش عدد الناس الي اتدرت بسببي ناس تستاهل وناس تانيه ملهاش زنب المهم جت 2022 وحصلي مشكله ومن وقتها انا بعدت عن الكلام دا انا كنت قاعد فبيتي قمت مرا وحدا لقيت نفسي ف قسم وتكه وكنت هبقا سوابق لولا م اتاكدو انو مش انا المهم طلع حد انا اعرفو بنت من عندهم اتاهكرت ف بلغ عليا انا ما علينه بعد موقفت من اللحظه دي حاسس ان حياتي بتدمر بتبوظ انا كل الي طالبه ان كل حد ازيتو يسامحني هو اه اي حد ازيتو مكنش يعرف وكنت بعمل كدا منغير م حتي الضحيه ميعرف يعني حتي ممكن انت تكون ضحيا ليا فيوم وانت متعرفش بس انا كل الي طالبه ان الناس تسامحني انا تبت وبقيت انسان تاني والناس كلها بتغلط ومفيش حد نضيف من اول متولد لحد النهاردة ونا اسف لكل الناس 🤍

Pribadong Payo

Lumipat sa pagtanggap ng pribadong payo para sa iyong post; kung hindi, magiging pampubliko ito.

Strawberry_57860 🇪🇬

4 oras na ang nakalipas

Pakiramdam Meh

Paksa:

حاجه فيك عاوز تغيرها ؟

اني باخد كل حاجه على اعصابي وحساسه زياده عن اللازم اقل حاجه تدايقني مثلا لو نبرة صوت حد بحبه اتغيرت معايا في الكلام هحس اني غير مرغوب فيا واقلبها محزنه وبقطع علاقتي مع الشخص ده بس بالتدريج وبجد نفسي اغير الاسلوب ده.

Banana_62165 🇪🇬 متركزيش فى الافعال والكلام اوى عدى الحاجات اللى ممكن تعدى من غير رد فعل

Tingnan lahat 2 Payong

Cherry_60280 🇸🇦

4 oras na ang nakalipas

Pakiramdam Galit

Ihayag ang iyong nararamdaman nang hindi nagpapakilala

الناس الى سالت عرفت الخيانه ازاى انا بنتى عايشه مع ابوها ثانويه عامه هناك وهي الى عرفت من تليفونه وعرفتنى وانا كنت معاه ومعنا الاولاد هو الى نزلنى مصر وانا عمرى ما فكرت في الغلط ولا الاذيه بس هو الى بدا مع انى مقصرتش معاه في حاجه وكمان خلانى كتبتله الشقه بتعتى باسمه عشان يحس برجولته وطلع عاوز يجبرنى لو عرفت حاجه انى اسكت وانا حاليا معاه عشان امتحانات البنت واكتشفت كل حاجه بنفسي وبقي طول بيكدب ويخبي عنى وعامل رباطيه هو واخواته وبيصرف علي البنات هو ميعرفش انى عرفت وانا معايا كل الاثبتات علي التليفون صورت كل حاجه قبل ما يحذفها انا بس عاوزه اربيه لانه يستحق يتالم زى ماخلانى بموت كل نا اشوفه بيكدب ويخبي ويكتب علي التليفون واول ما اقرب يمسح الشات انا عاوزه اعرفه انهم بيضحكوا عليه عشان فلوسه وانه اهبل لما يفكر ان اى فلبينيه او غيرها هتحبه بكرشه وبعمر الخمسين وبريحته الصعبه بكل حاجه كل ست مستحملها عشان هو  جوزها وابو عيالها وعشان كرامتى قدام بناتي الى عرفوا انه خاين ومستنين يشوفوا امهم هتتصرف ازاى انا لو ست مجنونه كنت قلبت الدنيا عليه وعرفته مقامه واطلقت من ساعتها بس انا عاوزه اربي ولادى  وكمان اعلمه ان بيته ومراته اولى بيه من اى حد

Pribadong Payo

Lumipat sa pagtanggap ng pribadong payo para sa iyong post; kung hindi, magiging pampubliko ito.

Apple_62376 🇪🇬

5 oras na ang nakalipas

Pakiramdam Wasak ang Puso

انا من مواليد فلسطين عمري 20 سنه والان عايش في مصر كل شخص في هذه الحياه له نصيب في حياته انا كان نصيبي عادي ولكن اراك كبيره وعميقه يعني مو انا بس اكيد ناسي كثير ولكن كل قصه تفرق عن الاخرى انا ولدت في فلسطين عشت فيها 10 سنوات وبعد هيك جيت على مصر عشت فيها 10 سنوات في ناس في حياتي ما كنت اتمنى

Banana_62165 🇪🇬

5 oras na ang nakalipas

Pakiramdam Stresado

Ihayag ang iyong nararamdaman nang hindi nagpapakilala

انا حرفيا بقيت تايه مش عارف اخد خطوة صح الملخص انى حبيت بنت  واتخطبنا علاقتنا بقالها ٧ بس الخطوبة سنتين هى كمان بتحبنى وفركشنا ورجعنا وفركشنا تانى كلها اخطاء سواء منى او منها مش هقول انا احسن واحد فى الدنيا بس اللى حصل واهلها وخاصة امها من وقت دخولها فى مشاكلنا وعلاقتنا اتدمرت وسيبنا بعض تمام وهى اتقرا فاتحتها وانا قعدت مع ناس تانيين ممكن يكونو مناسبين اكتر وكمان اجمل وحاولت ادى لنفسى فرصة مع حد فيهم وهم كانو بيتمنوا انى اخد خطوة كنت واخد الموضوع من ناحية انه حد مناسب ومريح وخلاص بس حب مش هعمل كده تانى وكالعاده بعد فترة رجعت تكلمنى تانى وانا بردو رجعت اتكلم تانى علشان بحبها بصراحة وبلاقى راحتى معاها الفكرة ان دلوقتى الامور بينى وبين مامتها واصلة لطريق مسدود لدرجة انها قالتلها يا انا يا هو وهى برضو شخصيتها ضعيفة اوى مع مامتها ومش عارفة تاخد موقف معاهم حتى انها تخلص من الحوار اللى هم دخلوها فيه حاسس انى اهبل اوى وضعيف على الرغم ان دى مش شخصيتى تماما وانا الحمد لله قدرت ابنى نفسى بنفسى من غير مساعدة حد واللى بعمله او وصلت ليه صعب حد فى سنى لوحده يعمله وده توفيق من عند ربنا المهم التفاصيل كتير ومش عايز اطول بس مش عارف اعمل ايه الحقيقة

Pribadong Payo

Lumipat sa pagtanggap ng pribadong payo para sa iyong post; kung hindi, magiging pampubliko ito.

Chocolate_62367 🇪🇬

5 oras na ang nakalipas

Pakiramdam Wasak ang Puso

Ihayag ang iyong nararamdaman nang hindi nagpapakilala

من حوالي 7 سنين عرفت شخص وحبيته اكتر من نفسي وصدقه ووثقت في واتضرينا نبعد عن بعض عشان كان بيحصلنا مشاكل كتير والناس كلها رافضه علاقتنا حتي اهله وهو كان شخص كله بيتخانق عليه واكتر البنات بتحبه قعدنا مع بعض سنه وبعدنا عن بعض وانا تعبت جدا عشان انشاه فكرت اتخطب وعملت كده وكانت خطوه صعبه جدا عليا لكن عملتها وهو بعد خطوبتي بكذا شهر خطب صاحبتي وانا اتصدمت لكن حضرت خطوبتهم ووقتها سيبت خطيبي وفضلنا في مشاكل طلنا لحد ما هو كمان ساب خطيبته وبعدها رجعنا لبعض وحاربنا الدنيا كلها عشان نكمل شوا لكن فجأه كل حاجه اتغيرت بقي انسان معرفوش بقي يتجسس عليا ويعرف كل شئ عني حياتي و عن صحابي واهلي لدرجة ان الكلام اللي بيحصل بيني وبين الناس يعرفه وصلني لمرحلة الجنون شكيت ف كل اللي حواليا وكل الناس بعدت عني عشان مبقوش يحسوا بخصوصيه كل حاجه بتتعرف وبقي يشيلني اي غلط قدامه وعصبي جدا وميكلمنيش بالأيام عاتبته مليون مره وبردو مفيش فايده لدرجة الكلمه الحلوه مبقتش اسمعها منه ومش عاوز يبعد ولا انا قادره ابعد مش عارفه اعمل ايه وازاي اتقبل الجفا دا حرفيا بقالي اكتر من ٥ شهور انا اللي بتصل بيه مبيتصلش بيا نهائي ولا مره ومبيصدقنيش مهما قولتله ولا مره يقولي حتي وحشيتي مش عارفه اعمل ايه بجد محتاجه نصايحكم وكمان تبقوا عارفين انا مبقدرش ابعد عنه ولا اتنازل عن كل اللي ضحيت بيه وعملته انا وقفت جنبه ف اصعب المواقف صدقته والدنيا كلها مش مصدقاه صدقت فيه وانه هيتغير وان جواه حاجه محدش عارفها غيري رفضت كل الفرص كل حاجه سيبتها عشانه 
ياريت يكون في حل لمشكلتي او حتي حاجه تغير شكل العلاقه بينا ونرجع كويسين

Pribadong Payo

Lumipat sa pagtanggap ng pribadong payo para sa iyong post; kung hindi, magiging pampubliko ito.

Lemon_62362 🇪🇬

6 oras na ang nakalipas

Pakiramdam Depres

Biscuit_60066 🇪🇬 انت سبت شغلك عشان ربنا وكفايه نيتك دي هتتحاسب عليها وبجد باين عليك انك ف اختبار كل دا واكيد ربنا هيعوضك خير

Tingnan lahat 5 Payong

Ihayag ang iyong nararamdaman nang hindi nagpapakilala

ازاي تضيع حياتك في خطوات كتير ؟
انا حاليا في وضع سئ جدا سبت شغلي اللي كنت بحبه علشان عرفت ان في شبهه إنه حرام المهم اني اتعرفت على بنت لطيفة جدا بس انا معنديش تجارب سابقة ومرتبطش الا مره واحده في عمري من سنين كتير يعتبر معنديش جراءة أو خبرة كافيه اني اعرف البنت معجبه بيا ولا لا بس قررت اني هاخد خطوه جد واروح اتقدم لها بس مش دلوقتي نظرا لاني لسه ببدا حياتي العمليه بس مرضتش اعشمها باي حاجه ومكلمتهاش الا مرتين والشتات مكنش بيطول معانا ومضايقتش ولا فكرت ف اي حاجه أنها مش معجبه بيا ولا حاجه من ٣ شهور سبت شغلي واعز صديق ليا توفى وخالي توفى ومريت بفترة صعبة جدا وانا بحاول اشتغل اي حاجه علشان هدفي وبدور على شغل مناسب برضو علشان نفسي وعلشان لما اخش اتقدم من يومين حبيت اخش اشوف الشات بتاعنا لقيتها مسحت رقمي أو عملتلي بلوك انا عارف ان ممكن حد يقولي هيا اصلا شكلها مكنتش معجبه بيك علشان كده حصل اللي حصل بس انا بحبها وكنت عايز نبقى سوا المشكلة ان مكنش وقته اني بمر بفترة صعبة وصحابي وعيلتي حسوا بده اني اتغيرت من ساعة ماسبت شغلي وحالات الوفاة علشان بحب اضحك واهزر جدا ومكنتش بحب التشاؤم والتفكير الزيادة مش عارف انام وحاسس اني مبقتش محبوب زي الاول ولا بقيت عارف افضفض ومش لاقي حد أكلمه

Pribadong Payo

Lumipat sa pagtanggap ng pribadong payo para sa iyong post; kung hindi, magiging pampubliko ito.

Marshmallow_56618 🇪🇬

6 oras na ang nakalipas

Pakiramdam Pagod na Pagod

كل فتره انزل عن نفس مشكلتي بس بطريقه مختلفه.. ناس كتير ردت عليا بس لسه انا في نفس الجرح اللي اتجرحته... انا بقالي شهرين في الحال ده . نفسي اتعافى نفسي انسى نفسي اعيش طبيعي انا جايه هنا عشان اهرب من الواقع و كل ما ارجع للواقع بحس بالالم تاني

Ice Cream_49968 🇪🇬

6 oras na ang nakalipas

Pakiramdam Wasak ang Puso

هو انا لو قصرت في حاجه والحاجه دي دمرتلي حاجات كتيره هل ممكن ربنا يعوضني رغم تقصيري بس انا والله والله اتعلمت من غلطتي وعرفت اني كان لازم اعمل اللي عليا وعايشه في ندم بقالي سنه بس رغم كل ده وانا عندي يقين في ربنا انه هيعوضني فـ هل فعلا ربنا ممكن يعوضني

Biscuit_62355 🇪🇬

6 oras na ang nakalipas

Pakiramdam Pagod na Pagod

Ihayag ang iyong nararamdaman nang hindi nagpapakilala

انا تعبت...
سؤال هنا تعبت من ايه ؟
تعبت من نفسي.
أنا شخصياً انسان جميل مش وحش يعني ولله أنا ساعات بحبني اوي مع اعتراف و توافق الجميع اني شخص كويس بس مع ذالك بكرهه اني اكون كويس يعني أنا اجتماعيه اوي و بحب اتعامل مع الناس مش بحب ازعل حد بحب اتعامل بطريقه كويسه مش بستنى مقابل و حاجات كتير حلوه من رغب الجانب الاجابي مني في جانب اكيد سلبي كلنا بشر مش كاملين عموماً الكمال لله سبحانه وتعالى. الجانب السلبي مني زي ما بحب ناس في ناس من رغم أنهم اعتذروا عن افعالهم مش قادره اسامحم من رغم موقف بسيط بس حقيقي مش قادره ماعنديش اني اسامح كل الناس مشكلتي اني ساعات بأذيي الناس من غير قصد ازاي بجد بزعل اوي و كمان حاجات كتير
كل الصافات الوحشه الي فيا أنا بترجمها عدم نضج كامل ليا و عدم سواية النفس لو جيت للحق أنا مريت بحاجات ماحدش يعرفها غيري الموضوع صعب اني احكيه لحد فيه كسره جوايا مع الم مش مفارقني مع هم غريب طبعاً الحل القرب من ربنا مش بعترض بالعكس أنا بتفق و كمان أنا عارفه كده و بنصح الناس بكده فاكرين اني مش بغلط مع اني بنتكس كتير الفتره دي وقت كتير عموماً انا إنسان فرفوش اوي بس مش دايما اوي بالاخص مع اي حد بس مش اهلي مزعلاني الفكره دي بس ولله عشان هما عارفني بصوره معينه فعشان كده مش بفرفش معاهم يعني شايفني كأيبه موت بس اتفق معاهم لأن دي شخصيتي الحقيقة بس ثواني ؟!
أنا مش عارفه فين سخصيتي الحقيقة جيت اشوف نفسي لاقتني مع كل شخص بتعامل معاه لاقيت أن شخصيتي بتتغير حقيقي مش عارفه أنا مين منهم
بس ممكن اكون مكس مابنهم بحب كل شخصيه فيهم كل واحده منهم هي أنا يعني دلوقتي الخليط مابين كل شخصيه مني ف طلع ملك الي هيا أنا دلوقتي 
أنا جت عاليا فتره الي هيا دلوقتي عرفت فيها اني اتغيرت مابقتش عارفه اضحك زي زمان ولا خفة الدم الي عني لسه موجوده راح كل ده يعني دلوقتي أنا اتغيرت بس عايزه ارجع زي زمان حاسه اني فاقده النطق جوايا كلام لاكن بقول عكسه بتلعسم في الكلام مش عارفه اتكلم بعرف اكتب حسيت نفسي اني أصم مش عارفه اسمع مش عارفه اتكلم في ايه بجد ولله في ايه حزن جوايا ماليني عايزه ارجع زي زمان مع اني كارهه نفسي زمان بس ادركت متأخر اني كنت احلى زمان يعني عايزه ارجع ملك الفرفوشه الي مش فارق حاجه معاها فيها روح حلوه فيها جمال فيها ثقه جميله فيها بهجه تملى قلب اي حد نفسي ارجع لاكن مش عارفه حقيقي اتغيرت الصمت ماليني مافيش كلام قادره اتكلمه حاولت اتكلم و اضحك لاكن صراحه بصتنع الضحك يعني مش من جوايا مش باينه خالص كسره الم حزن ماليني قربت من ربنا تاني بس مازال الشعور عندي امل ارجع تاني أنا الي مزعلني مافيش حد فاهمني و بيقولوا فاهمنين وخلاص اي كلام و خلاص لاكن بسكت مش قادره انافش اي حد بضحك بس اي كلام بهزر بس اي كلام في محاوله مني ارجع أنا مش عارفه بدأت احب الشخصية الجديدة من رغم أنها كأيبه اوي بس حبتها أنها في صمت الكل مش عارف عنها حاجه بس حقيقي موجوعه🫥

Pribadong Payo

Lumipat sa pagtanggap ng pribadong payo para sa iyong post; kung hindi, magiging pampubliko ito.

Carrot_61043 🇪🇬

7 oras na ang nakalipas

Pakiramdam Pagod na Pagod

ازاي تموف اون من شخص قدامك في كل حته ؟ جروبات ع الواتس .. تيم مشروع في الدراسه .. وغيره المهم انو وقت الدراسه بتشوفو كل يوم يعتبر وبتقعد معاه بحجه الدراسه والمشروع ..وغير الدراسه موجودين علي الجروبات وايفنتات وغيره ومن نحيه نرجع نتكلم زي الاول فا الحته دي اتقفلت نهائي بس مطريين نكمل كدا احنا الات

Donut_52528 🇪🇬

7 oras na ang nakalipas

Pakiramdam Pagod

Ihayag ang iyong nararamdaman nang hindi nagpapakilala

انا مشكلتي هي انا.... 
انا اللي مش عندها ثقة في نفسها تماما في كل حاجة 
لا في شكلي و لا في نفسي و ذوقي و لا قراراتي و لا اختياراتي و لا اي حاجة بجد....
دايما مترددة و قلقانة و عايزة حد اللي يختار ليا و يقرر ليا عايزة حد هو اللي يقول أيوة ده 
و بكره في نفسي حتة التأثر ، انا ممكن اكون عايزة حاجة بس كلام اللي حواليا يأثر عليا و يشككني في نفسي و في اختياري ده أن هو ممكن يكون غلط لازم افكر تاني كمان فكرة أن بحس أن انا بدور علي مبررات للاختيار يعني الشخص الطبيعي بيفكر و يلاقي اسباب ف يختار ، انا لا انا مثلا عرفت أن ده الصح ف خلاص هختاره و اقنع نفسي بقي بالأمر الواقع أن ده الصح و يمكن و يمكن و افضل افكر و افكر و مش بخلص، و ده غلط و مش حباه في نفسي، وصلت لسن أن خلاص لازم انا اخد قراراتي بقي بنفسي ، بس بخاف اخد قرار غلط اضيع بسببه ، عارفة أن كلنا لازم نغلط علشان نتعلم و نسأل و تستشير و بعمل ده ، بس فكرة الخوف دايما هي اللي بتسيطر عليا وقت الاختيار بالذات، بخاف اختار حاجة اندم عليها و ابقي بوظت الدنيا، 
ده حتي القرار المصيري اللي مش ينفع حد ياخده غيري مش عارفة اخده، كبرت و وصلت لسن الجواز و خايفة اختار شخص غلط من كتر اللي شايفاه حواليا ، شوفت اللي اختار عن حب حصله ايه و اللي اختار بعقله بس عايش ازاي، خايفة اختار الشخص اللي بحبه اندم و اكون ضيعت حد تاني كان ممكن يكون احسن مع ان الشخص اللي بحبه ده كويس بجد و محترم بس خايفة، و في نفس الوقت خايفة اختار بعقلي اندم و اعيش بقيت حياتي ضيعت من ايدي اللي كنت حباه و ابقي عايشة قلبي مش معايا و مش مرتاحة و اظلم حد تاني و اكون ضيعت مني حبي اللي كبر جوايا سنين بيني و بين نفسي و طلع هو كمان بيحبني و اتقدم ليا، اسفة عارفة أن ده كلام كتير و مش مرتب و حاجة صعبة بس كنت محتاجة اتكلم و افضفض يمكن حد يقدر يفهمني و يساعدني، ف اسفة علي كل الكلام ده و التوهة دي....

Pribadong Payo

Lumipat sa pagtanggap ng pribadong payo para sa iyong post; kung hindi, magiging pampubliko ito.

Mas maganda sa app

I-download ang Toheal sa iyong telepono para sa mas mabilis na karanasan.